#ЛітАлфавіт Уладзімір Жылка

Уладзімір Жылка - адметная постаць у пантэоне выдатных дзеячаў беларускай культуры. Паэт, крытык, перакладчык пакінуў значны след на літаратурнай ніве. У рубрыцы #ЛітАлфавіт прадстаўлены верш "Восень" У. Жылкі.

Восень

О хараство асенніх дзён празрыстых,

Бязгутарнасць прыроды і спакой.

Урачыста полем з пушчаў залацістых

Прыйшла туга і пала над вадой.

А там застыла яснасць даляў чыстых

Над цёмнай рунню й чорнай цаліной,

І холад лёгкі ў косах прамяністых 

Разліла сонца хваляй нежывой.

Наўкол сляды павольнага канання

І веліч нетутэйшага маўчання.

Прымаю корна сон зямлі азурны.

І летуціцца сцішанай душы

Такі ж спакой, халодны і бязбурны,

І адцвітанне яснае ў цішы.