22 ліпеня Хорастаўская бібліятэка расчыніла дзверы для самых маленькіх
наведвальнікаў- выхаванцаў Хорастаўскага дзіцячага садка. Для іх прайшла
экалагічная гульня "Колькі колераў у лета?". Бібліятэкар паведаміла
дзеткам, што калі яна прыйшла ў бібліятэку, то на ганку ляжаў канверт з
подпісам "Для самых разумных дзетак" . На канверце былі нейкія таемныя
сляды і дзеткі з лёгкасцю адгадалі, што гэта сляды птушак. А ў канверце
былі загадкі. За кожную адгадку маленькія эрудыты атрымоўвалі ў свой
кошык фрагмент малюнка. Адгадаўшы усе загадкі, дзеці склалі маляўнічую
карцінку і ўсе дружна адказалі на пытанне аб тым, якія колеры самыя
летнія.