Громкие чтения "Чараўніца-зіма"

Надвор'е казачнае... Самы час чытаць цікавыя творы пра зіму. Бібліятэкар Хорастаўскай сельскай бібліятэкі завітала ў Хорастаўскі яслі-сад, каб пазнаёміць выхаванцаў з самымі займальнымі апавяданнямі і вершамі аб цудоўнай пары года - чараўніцы-зіме.

Дзеткі вельмі уважліва слухалі вершы, адгадалі загадкі, але найбольш выхаванцаў уразіў верш Ніны Галіноўскай "Пісьмо на снезе".

Як аказалася, пісьмо напісалі птушкі, каб дзеткі зрабілі для іх кармушкі. Бібліятэкар прапанавала зрабіць дзеткам міні-кармушкі. На загатоўкі з картону нанеслі раствор крухмалу з вадой і пасыпалі зернем. Лёгкія кармушкі, якія можна развесіць на невялікіх дрэўцах і кустах, прыцягнуць увагу птушак і зіма для іх будзе не такой страшнай.